Шумска работилница за препознавање билки, корења, плодови и печурки

​Оваа есен ве каниме на шумска работилница за препознавање билки, корења, плодови и печурки!

Ова е уникатен настан наменет за сите љубопитни кои сакаат да научат нешто повеќе за изобилството на шумата, и да дознаат како да препознаваат и собираат шумски плодови, јадливи билки, корења, чаеви и печурки. Освен тоа, ќе научиме и некои начини на складирање и подготовка на собраните плодови, билки и печурки за зима, кои од нив се погодни за термичка обработка, а кои се послатки свежи или исушени. 

Работилницата ќе се одржи на 11 октомври 2015г. од 10 до 15ч. над с. Љубанци, Скопска Црна Гора и ќе ја води чичко Дојчо, искусен планинар и билкар/печуркар, кој води и обуки за преживување. 

Пријавувањето е по мејл, на platforma.kalen@gmail.com а местата се ограничени. Придонесот за учество е 250 ден. 

На пријавените ќе им се испрати точната локација на настанот по мејл, како и што се ќе им биде потребно да понесат со себе. 

До наскоро!
Кален

---