Воведен курс по пермакултурен дизајн

Оваа есен, ве каниме на дводневна обука посветена на основите на пермакултурата - научете нешто повеќе за можностите за одгледување храна, користење на природните ресурси и креативни решенија за урбано градинарство.

Пермакултурата е метод на дизајнирање на одржливи човекови заедници користејќи ја природата како модел. Таа нуди алатки за обликување на потполно одржливи живеалишта кои произведуваат сопствена храна и енергија, па се до економски алтернативи и нови социјални структури. 

Пермакултурниот дизајн ги зема во обзир локалната култура, клима, начин на живот, и преку набљудување на специфичноста на теренот, флората и фауната, водата и климатските услови, создава уникатен дизајн кој е прилагоден за корисниците. Пермакултурниот дизајн се изработува врз темелот на начелата – грижа за луѓето, грижа за Земјата и праведна распределба на ресурсите. 

Со посетување на овој воведен курс, се надеваме дека би научиле нешто повеќе за тоа како би можеле да ги примените овие начела и принципи во сопствениот живот и опкружување. 

СОДРЖИНА НА КУРСОТ:

- што е пермакултура
- зошто пермакултура
- пермакултурни принципи
- три главни фактори: сонце, вода и ветер
- функционален дизајн на вашето живеалиште
- фактори на просторот
- елементи на дизајнот
- 7 слоеви на садење
- креативни решенија за урбано градинарство
- Дизајнирање на природата
- водни структури
- различни облици на градини 
- компостирање
- малчирање
- Изработка на пермакултурен дизајн 

Ако сте заинтересирани за учество, маркирајте си го викендот 19 и 20 октомври 2013г, од 9.30 до 16.30 часот и пријавете се на http://goo.gl/F2YAa. Сите дополнителни детали ќе им бидат испратени по мејл на пријавените. 
НАПОМЕНА: Фејсбук присуство не се смета за пријавување. Ве молиме одвојте две-три минутки за пополнување на пријавата на http://goo.gl/F2YAa. Благодариме!

Локацијата и цената ќе бидат дополнително објавени (теоретскиот дел ќе биде во затворен простор).

За прашања и информации пишете ни на platforma.kalen@gmail.com. 

Ве очекуваме!
:-)